Anak sa barangay kapitan, gipusil sa Misamis Oriental

Consuelo, Magsaysay - Gipangita karon sa kapolisan ang suspek sa pagpusil sa anak sa usa ka incumbent barangay chairman sa Brgy. Consuelo, Magsaysay, Misamis Oriental.

Naila ang biktima nga si Ronald Amaro, 24-anyos, ulitawo nga residente sa maong lugar.

Matud ni Provincial Director P/Supt. Graciano Mejares nga subay sa ilang inisyal nga imbestigasyon, gipusil ang biktima samtang kini nagbaklay sa dalan padulong sa ilang panimalay.

Naigo sa iyang lawas si Amaro ug padayong gitambalan sa usa ka ospital dinhi sa Cagayan de Oro. Miingon si Col. Mejares nga ilang gi-imbestigahan ang posibilidad nga election related incident ang maong pagpamusil.